დარწმუნებული ვარ, ჩვენ ვიწყებთ პერიოდს და მშენებლობას, რომელიც არ ახსოვს საქართველოს, – ამის შესახებ პრემიერ-მინისტრმა გიორგი კვირიკაშვილმა გუშინ ამბროლაურში, აეროპორტის ტერმინალის გახსნისას სიტყვით გამოსვლისას განაცხადა.
”მეგობრებო, მე ვარ დარწმუნებული, რომ ჩვენ ვიწყებთ პერიოდს და მშენებლობას, რომელიც არ ახსოვს საქართველოს. მასშტაბებს, რომელიც არ ახსოვს საქართველოს. ეს იქნება სრულიად ახალი ტიპის, ახალი დინამიკის, განვითარების სრულიად ახალი ფაზა. როგორც ვამბობდი და დავადასტურეთ, ოთხ თვეში სასწაული შევძელით, ასეთი სასწაული მოხდება მთელ საქართველოში და ეს სასწაული გავრცელდება თითოეულ ოჯახში. ეს იქნება თითოეული ჩვენი ოჯახის კეთილდღეობა”, – მიმართა კვირიკაშვილმა აეროპორტში შეკრებილ მოსახლეობას.
ამბროლაურში გუშინ აეროპორტი გაიხსნა.