,,ბოკერიას გუნდმა ახალი პარტიის შექმნასთან დაკავშირებით უნდა დატოვოს ნაციონალური მოძრაობის” ფრაქცია, რომელსაც სახელი შეუცვალეს და თავმჯდომარე გადააყენეს, მათ არ უნდა გამოიყენონ ეს ფრაქცია, რადგან ეს იქნება უსამართლობა ამომრჩევლის მიმართ”, – ეს განცხადება გააკეთა ნაციონალური მოძრაობის სახელით თინა ბოკუჩავამ დღეს გამართულ პრესკონფერენციაზე.
როგორც ბოკუჩავამ განაცხადა, ეს ფრაქცია ნაციონალური მოძრაობისაა და არ ეკუთვნის პარტიიდან გასულ წევრებს, რომელნიც პროცედურული ხრიკებით კერძოდ პარტიის სახელწოდების შეცვლითა და თავმჯდომარის გადარჩევით, ცდილობენ შეინარჩუნონ თანამდებობები და მიიღონ სარგებელი , რაც ნაციონალური მოძრაობის ფრაქციას ეკუთვნის.” – განაცხადა თინა ბოკუჩავამ.
”12 იანვარს ბოკერიას გუნდმა გააკეთა განცხადება ”ნაციონალური მოძრაობის” დატოვების და ახალი პოლიტიკური პარტიის შექმნასთან დაკავშირებით. იგივე ადამიანები შესაბამის სამსახურებს პარლამენტში უცხადებენ, რომ არ დატოვებენ ”ნაციონალური მოძრაობის” ფრაქციას.– ამბობს თინა ბოკუჩავა.
იგი მოუწოდებს ყოფილ თანაგუნდელებს ხელი აიღონ განზრახვაზე და შეეშვან მცდელობას დაისაკუთრონ სახელდობრ ამ პარტიის დეპუტაციის ფუნქციონირებისათვის განკუთვნილი ფინანსური და სხვა მექანიზმები.