ნაციონალურ მოძრაობაში დარჩენილი პოლიტიკური ლიდერები, ფრაქციის დღევანდელ სხდომას არ დაესწრებიან. ამის შესახებ განცხადება, პარტიის ერთ-ერთმა ლიდერმა თინათინ ბოკუჩავამ გააკეთა.
მისი თქმით, პარტიიდან წასულები დროს და ენერგიას ბიუროკრატიულ პროცედურებსა და თანამდებობების გადანაწილებაზე ხარჯავენ, რაც ბოკუჩავას თქმითვე, მათთვის მიუღებელია.
„ჩვენი ყოფილი თანაგუნდელები, მათი გუშინდელი განცხადების შედეგად, ვფიქრობ, ძალიან დიდ დროს უთმობენ მათი პირველივე პოლიტიკური ნაბიჯების გადადგმისას, ადგილების დანაწილებას და ბიუროკრატიულ ნაწილს. ჩვენთვის ეს არ არის ამოსავალი ნაწილი და შესაბამისად, არ მივიღებთ მონაწილეობას არც ფრაქციის სხდომაში.
"ჩვენ ახლა ვართ ორიენტირებულნი იმაზე, რომ ჩავატაროთ ძალიან მაღალი სტანდარტის დემოკრატიული, ფართომასშტაბიანი ყრილობა 20 იანვარს, რომლის სამუშაოებიც დასკვნით ფაზაშია, შერჩეულია დელეგატების უმრავლესობა და სწორედ ამაზე მივმართავთ ჩვენს ენერგიას,“ – განაცხადა თინათინ ბოკუჩავამ.