წამსვლელი წავიდა და პარტიაში კარჩაკეტილობისა და ქედმაღლობის დრო დასრულდა.– ასეთი განცხადება გააკეთა რამდენიმე ხნის წინ  ფრაქცია ,,ერთიანი ნაციონალური მოძრაობის'' თავმჯდომარემ ნიკა მელიამ სპონტანურად შეკრებილი პარტიის მრავალრიცხოვანი მხარდამჭერისა და ამ ჯგუფის მიერ მოტყუებული ამომრჩევლის  წინაშე გამოსვლისას ბოკერია – უგულავას ჯგუფის მიერ პარტიის დატოვების შესახებ დღეს გაკეთებული განცხადების შემდეგ.

მისი  განცხადებით, ნაციონალური მოძრაობიდან წასულა ბევრი პოლიტიკოსი, მათ შორის უფრო მძიმე წონოსანი პოლიტიკოსები, ვიდრე დღეს წავიდნენ, მაგრამ ნაციონალური მოძრაობა კი არ დასუსტებულა, პირიქით, გაძლიერებულა, შესაბამისად დღესაც პარტიამ მიიღო ახალი იმპულსი და ივანიშვილის გეგმა დღეს ჩავარდა, რადგან მან ენმ ვერ დაანგრია.მისი თქმით, ეს კიდე ერთი დადასტურებაა იმისა, რომ ნაციონალური მოძრაობა არ არის უბრალოდ პოლიტიკური გაერთიანება და პარტია,  ნაციონალური მოძრაობა ეკუთვნის არა კონკრეტულ პოლიტიკოსებს, არამედ ხალხს და 20 იანვარს ყველა დაინახავს, თუ რა არის ხალხის ძალა.

 

ნიკა მელია გამოეხმაურა  პარტიის ლიდერის მიხეილ სააკაშვილისა და ამომრჩევლის მიმართ შეურაცხმყოფელ გამონათქვამებს, რომლითაც  გიგი  უგულავას განცხადება იყო გაჯერებული: 

 

"როგორც ჩანს, ჯგუფს, რომელმაც დატოვა "ენმ" ეს გადაწყვეტილება დიდი ხნით ადრე ქონდა მიღებული. –   უბრალოდ ძალიან მოულოდნელი იყო და გაკვირვებულები ვართ, რომ პირველი თავიანთი ბრიფინგი ივანიშვილის სტილში ჩაატარეს და მეტი დრო დაუთმეს ნაციონალური მოძრაობისა და სააკაშვილის ლანძღვასა და გინებას. ივანიშვილის ტექსტით ისაუბრეს ნაციონალურ მოძრაობაზე, საზოგადოება ხედავს და საზოგადოებას აქვს ანალიზის უნარი და დარწმუნებული ვარ, რომ საზოგადოებამ დაინახა თუ რასთან გვაქვს საქმე. " – განაცხადა ნიკა მელიამ.