,, თუ აფხაზები და ქართველები შერიგდებიან და ამ შერიგების ჩარჩოებში თუ არჩევნები ჩატარდება, ბუნებრივია, უფრო მეტ ხმებს ქართველები მიიღებენ და, შესაბამისად, მათ აფხაზეთის პარლამენტში უფრო მეტი დეპუტატი ეყოლებათ. მორჩა, აფხაზეთი დაიღუპება. – განაცხადა რუსეთის ლიბერალურ-დემოკრატიული პარტიის ლიდერმა ვლადიმირ ჟირინოვსკიმ რადიოსადგურ „ეხო მოსკვის“ ეთერში 6 იანვარს, პროგრამა „ოსობოე მნენიეში'' მონაწილეობისას.
საუბრის თემა სირია-ერაყის მოვლენები და ამ საკითხში რუსეთის როლი და პოზიცია იყო..
აფხაზეთის თემამ ამ ინტერვიუში გაიჟღერა როგორც მაგალითმა, თუ რა შეიძლება დაემართოთ ალავიტებს სირიაში თუ იქ ხელისუფლებაში სუნიტები მოვლენ:
„ერაყში ქურთები და მუსულმანი სუნიტები არიან, იქ ხელისუფლებაში მათ თუ შეიყვან, სიტუაცია დაბალანსდება. ასე იყო სადამ ჰუსეინის დროს. აი, სირიას რაც შეეხება, იქ ძალიან ჭრელი გუნდია. სირიის ხელისუფლებაში მუსულმანი ალავიტები დომინირებენ (ბაშარ ასადის ჩათვლით), მაგრამ ისინი ქვეყნის მასშტაბით უმცირესობაა. სირიაში უმრავლესობა მუსულმანი სუნიტებია, რომლებიც ხელისუფლებაში არ არიან წარმოდგენილნი. ანუ თუ იქ სუნიტები ხელისუფლებას ჩაიგდებენ, ალავიტების საქმე წასულია – მათ, უბრალოდ, გაანადგურებენ.
ეს ვარიანტი რომ ჩვენი რადიოსმსმენელებისათვის გასაგები იყოს, საქართველოსა და აფხაზეთის მაგალითს მოვიშველიებ: ვთქვათ, აფხაზეთში ალავიტებია, ისინი ცოტანი არიან, საქართველო აფხაზეთზე დიდია და ქართველები აფხაზებზე ათჯერ მეტნი არიან. თავისუფალი არჩევნები რომ ჩატარდეს და ყველაფერი მშვიდობიანი გზით მოგვარდეს, სუნიტები ხელმზღვანელ პოსტებს ხელში ჩაიგდებენ და ალავიტები მძიმე სიტუაციაში აღმოჩნდებიან. ისინი ცოტანი არიან, მხოლოდ ათი პროცენტი…“ – განაცხადა ჟირინოვსკიმ