რუსთავი 2 – ის გენერალურ დირექტორზე ნიკა გვარამიაზე თავდასხმის დროს რესტორანში მასთან ერთად ქართული ხეოლოვნების ცნობილი წარმომადგენლები იმყოფებოდნენ – ნიკოლოზ რაჭველი, ნინო ნახუცრიშვილი, ქეთი ენდელაძე, მარინა ბერიძე, დათო დოიაშვილი, მანანა დოიაშვილი .
ეს უკანასკნელი ფეისბუქის პირად გვერდზე მომხდარს ეხმაურება: "ეს ფაშიზმია რაც დღეს მოხდა! დასაფლავების მერე, ჩვენი დიდი თხოვნით ნიკა წამოგყვა ყავის დასალევად, რომ გადათიშული ცოტა აზრზე მოსულიყო. მაგიდას ვუსხედით ყველაზე მშვიდობიანი ხალხი. მოშორებით 4 ბიჭი სვამდა. შემდეგ შუქი ჩაქრა და სწორედ ამ დროს ამათგან ორი ბიჭი, თავზე კაპიშონით ჩუმად, ფეხაკრეფით ზურგიდან მიუახლოვდა ნიკა გვარამიას და გამეტებით დაუწყო თავში მუშტების რტყმა. როცა დოი წამოხტა, მეორე მას გაუსწორდა. მერე გინებით კისრისტეხვით მოკურცხლეს. ერთმა პატარა ფაშისტმა ეს აღიარა, რაც დიდმა მამა ფაშისტმა მოუწონა- ყოჩაღ, ზურგიდან, ჩუმად რომ მიეპარე და ურტყი და გაიქეციო! ეს ყველაფერი შობის დღეს მოხდა! ასე შევხვდი ჩემს დაბადების დღეს რესპუბლიკურ საავადმყოფოში! ყველას დიდი მადლობა მოლოცვისთვის!" – წერს მანანა დოიაშვილი.