ფრაქცია „ნაციონალური მოძრაობაში“ ადასტურებენ, რომ ხვალ, ფრაქციის სხდომაზე ნიკა მელიას თავმჯდომარეობიდან გადაყენების საკითხი განიხილება. ამ საკითხზე ჩატარდება კენჭისყრა და თუ ფრაქციის წევრები ნიკა მელიას გადაირჩევენ, ფრაქციის ახალი თავმჯდომარე ხვალვე აირჩევა.
ვრცელდება ინფორმაცია, რომ ნიკა მელია თანამოაზრეებთან ერთად ცალკე საპარლამენტო ფრაქციის ფორმირებისთვის ემზადება. ახალი ფრაქციის ჩამოყალიბება ”ნაციონალური მოძრაობის” ყრილობის შემდეგ იგეგმება. ფრაქციას კვლავ ნიკა მელია უხელმძღვანელებს და მის შემადგენლობაში შევლენ ფრაქცია ”ნაციონალური მოძრაობის” წევრები: თინათინ ბოკუჩავა, კობა ნაყოფია, რამაზ ნიკოლაიშვილი, აზერ სულეიმანოვი, შესაძლოა სამომავლოდ ამავე ფრაქციაში გაერთიანდნენ ამჟამად ფრაქცია ”ნაციონალური მოძრაობა – საქართველოს წინსვლისთვის” წევრები: – სალომე სამადაშვილი, რომან გიცირიძე და გიორგი ტუღუში. გამოითქმის ვარაუდიც, რომ, შესაძლოა ტუღუში არც ერთ ფრაქციში არ შევიდეს და პარლამენტში ე.წ. დამოუკიდებელი დეპუტატის სტატუსით დარჩეს.
ასეთი გადაჯგუფების შემთხვევაში, საპარლამენტო უმცირესობის სტატუსს ბაქრაძე-ბოკერიას ფრთა შეინარჩუნებს, ნიკა მელია და მისი თანაფრაქციელები კი, პარლამენტში ე.წ. დამოუკიდებელი ფრაქციის წევრების სტატუსით იქნებიან.