ტრადიციული საშობაო, საზეიმო, მსვლელობა – “ალილო“ დღეს 12:00 საათზე დადიანების ეზოდან დაიწყო. ვლაქერნის ღვთისმშობლის ხატის სახელობის საკათედრო ტაძრიდან დაწყებული მსვლელობა ქალაქის ცენტრალურ ქუჩაზე გაგრძელდა, მსვლელობაში მონაწილეობა მოსახლეობამ, მრევლმა და სამღვდელოებამ მიიღო. ალილოს მსვლელობისას ძღვენი შესწირეს ადგილობრივი ხელისუფლების წარმომადგენლებმაც,რომელიც შემდეგ სოციალურად დაუცველებს დაურიგდებათ.შობის დღესასწაულთან დაკავშირებით ტრადიციული ალილო უკვე 16 წელია ქრისტეშობას – 7 იანვარს ეწყობა. დღესასწაულის მოწყობის ტრადიცია კათოლიკოს–პატრიარქის ილია II კურთხევით 2001 წელს აღდგა. საშობაო მსვლელობის დასრულების შემდეგ ივერიის ყოვლადწმინდა ღვთისმშობლის მშენებარე ტაძარში საზეიმო წირვა აღესრულება.