პატიმრობიდან გათავისუფლებული გიგი უგულავა მთავრობას პოლიტიკური ამნისტიისკენ მოუწოდებს. როგორც უგულავამ ჟურნალისტებს ე.წ. მატროსოვის ციხის დატოვების შემდეგ განუცხადა, ამით მთავრობა შეძლებს მთლიანად გადაშალოს ახალი ფურცელი და ოპოზიციამ და ხელისუფლებამ ამ ქვეყნისთვის ზრუნვა გააგრძელონ. ”მინდა ყველას მივესალმო. პირველ რიგში სოლიდარობას ვუცხადებ უკლებლივ ყველა ჩვენს პოლიტიკურ პატიმარს, ვინც რჩება ამ ციხეში, რომლებიც სხვა საპატიმროებში არიან. ჩვენ არ უნდა გავყოთ ერთმანეთისგან ჩვენი პარტიის და სხვისი პარტიის, ჩვენი ფლანგის და სხვისი ფლანგის პოლიტპატიმარი. სამწუხაროდ, დღეს საქართველოში გვყავს პოლიტპატიმრები და ერთობლივი ამოცანაა ეს პროცესი დასრულდეს. თუ ჩემი გათავისუფლება ამ პროცესის დასაწყისია, ძალიან კარგი, მაგრამ ამ მიმართულებით სამუშაო არის ძალიან ბევრი. მინდა ყველამ გააცნობიეროს, სანამ ჩვენს ქვეყანას ეყოლება პოილიტპატიმრები, პოლიტიკა იქნება უკიდურესად რადიკალური. იქნება მწვავე დაპირისპირება და პასუხისმგებელი იქნება უმრავლესობა და მთავრობა. თუ ჩვენ გვინდა პრობლემები მოვაგვაროთ, მათ შორის ეკონომიკური და სხვა პრობლემები, რაც მოსახლეობას აწევს, ამისთვის აუცილებელი პირველი ნანიჯია პოლიტპატიმრების გათავისუფლება. ეს ყველაზე ადვილად შეუძლია მთავრობას და ხელისუფლებას თუ ის გადადგამს ვაჟკაცურ ნაბიჯს და გამოაცხადებს პოლიტიკურ ამნისტიას. ამით ის შეძლებს მთლიანად გადაშალოს ფურცელი და გავაგრძელოთ ამ ქვეყნისთვის ზრუნვა”, – განაცხადა უგულავამ. მისივე თქმით, თუ მთავრობა ამას ვერ ახერხებს, ეს უნდა გააკეთოს პრეზიდენტმა. ”პრეზიდენტის საკონსტიტუციო მოვალეობა არის, რომ მან გააკეთოს ის და შეავსოს ის ნაკლოვანებები, რასაც ტოვებს მთავრობა, სასამართლო და ხელისუფლების სხვა ნებისმიერი შტო. საქართველოში დადგა დრო, როდესაც სამართალზე მეტად მნიშვნელოვანია მოწყალება და ეს არის პრეზიდენტის პასუხისმგებლობა. ჩვენ ვერ შევთანხმდებით, ესა თუ ის ადამიანი დამნაშავეა თუ არა, ამაზე კამათი შესაძლოა გაგრძელდეს მომდევნო ათწლეულები. ფაქტია, რომ პოლიტიკური მდგენელი არის ყველა ამ საქმეში ცალსახა და ეს აღარ უნდა გაგრძელდეს”, – განაცხადა უგულავამ.
სიახლეები
სიახლეები
თუ ჩახუნაშვილი აღიარებს დანაშაულს, შეგვიძლია, იმ დღესვე გავათავისუფლოთ-გვარაკიძე
ყველა იმ ბრალდებულ პირთან, რომლებმაც აღიარეს და მოინანიეს დანაშაული, გაფორმდა საპროცესო შეთანხმება. რაც შეეხება...
სამართალი
ფსიქო ტროპული წალმების უკანონო ვაჭრობის საქმეზე 17 პირი დააკავეს
ფინანსთა სამინისტროს საგამოძიებო სამსახურის ცნობით, გახსნეს საქმე, რომელიც შეეხება 53 მილიონ ლარზე მეტი ღირებულების...
სამართალი
თბილისის საქალაქო სასამართლომ 4 ოქტომბრის მოვლენებზე ბრადებული კიდევ 4 პირი ცნო დამნაშავედ
თბილისის საქალაქო სასამართლომ 4 ოქტომბრის მოვლენებზე ბრალდებული კიდევ 4 პირი ცნო დამნაშავედ. განაჩენი მოსამართლე...
სიახლეები
4 ოქტომბრის საქმეზე დაკავებულ კიდევ 12 პირს საპროცესო შეთანხმება გაუფორმდა
4 ოქტომბრის აქციის საქმეზე ბრალდებულ 12 პირს, სიმონ მახარაძეს, კახაბერ კვაჭანტირაძეს, გია თოლორაიას, მიხეილ...