ქალაქ ზუგდიდის მუნიციპალიტეტის საკრებულოს 2017 წლის პირველ სხდომაზე გატანილ საკითხთა შორის რამდენიმემ ხმაური გამოიწვია. ადგილობრივი საქალაქო რეგულარული სამგზავრო გადაყვანის მარშუტებზე ნებართვის გაცემის საწყისი ფასების დამტკიცების საკითხს არ დაეთანხმა ფრაქცია „ნაციონალური მოძრაობა“. ფრაქციის წევრების თქმით, ამ თემასთან დაკავშირებით უამრავი კითხვის ნიშანი არსებობს- არ არის გათვალისწინებული მძღოლების ინტერესები და ასევე პრობლემას ქმნის ის, რომ საკითხზე მომუშავე კომისიას ქალაქის ვიცე-მერი გია გულორდავა უხელმძღვანელებს- განაცხადეს ნაციონალური მოძრაობის წევრმა დეპუტატებმა.საკრებულოს თავმჯდომარის მოვალეობის შემსრულებელი გიორგი თოდუა არ ეთანხმება ოპოზიციური პარტიის წევრების მხრიდან გამოთქმულ შენიშვნებს, თუმცა მძღოლებთან კომუნიკაციის მომხრეა.საკრებულოს დღევანდელ სხდომაზე ასევე დამტკიცდა სოციალური დახმარებისა და ჯანდაცვის პროგრამებში ცვლილებები, შშმ პირთა საკითხებზე მომუშავე საბჭოს შექმნისა და მესხიას ქუჩის მიმდებარე ტერიტორიაზე არასასოფლო სამეურნეო დანიშნულების მიწის ნაკვეთზე სპეციალური შეთანხმების გაცემის საკითხები.
სამგზავრო გადაყვანის მარშუტებზე ნებართვის გაცემის საწყისი ფასების დამტკიცების საკითხს საკრებულოში ხმაური მოყვა
Published on