ევროპის ქვეყნებში წინასაახალწლო სამზადისია. ევროპელები 2017 წელს საახალწლო კონცერტით და გრანდიოზული ფოიერვერკებით შეხვდებიან.
ტრადიციულად, ყველა დიდი ქალაქი ფოიერვერკების შოუთი ეჯიბრება ერთმანეთს და, როგორც წესი, ამ სანახაობისთვის ორგანიზატორები და რიგითი მოქალაქეები განსაკუთრებულად ემზადებიანю
მილიონზე მეტ ადამიანს ელოდებიან ნიუ იორკში, ტაიმ სკვერზე, სადაც მთავარი საახალწლო შოუ უნდა გაიმართოს, მთელი მსოფლიო ელოდება გიგანტური ბროლის ბურთის დაშვებას, რომელიც აქ ტრადიციულად 2017 წლის პირველივე წამს იმართება.
ამ დროისათვის ორგანიზატორებმა გიგანტური ბურთის საცდელი დაშვებაც განახორციელეს.
გახშირებული ტერორისტული აქტების გამო საახალწლო ღონისძიებებზე შეკრებილი ხალხის დასაცავად ევროპის ქვეყნებმა უსაფრთხოების უპრეცედენტო ზომებს მიმართეს.
მთავარი მოედნებისა და მიმდებარე ქუჩების პატრულირებას შეიარაღებული ძალოვანები მოახდენენ.