საქართველოს სახელმწიფო მინისტრმა შერიგებისა და სამოქალაქო თანასწორობის საკითხებში, ქეთევან ციხელაშილმა განაცხადა, რომ ვიზალიბერალიზაციის სარგებელს ოკიპირებულ ტერიტორიებზე მცხოვრები მოქალაქეებიც მიიღებენ.
მან განმარტა, რომ აფხაზეთსა და ცხინვალის რეგიონებში მცხოვრები ადამიანებისთვის ეს მნიშვნელოვანია, რადგან მათ ყოველდღიურად აქვთ მავთულხლართების პრობლემა.
„ვიზის ლიბერალიზაცია, ეს მოსალოდნელი, ძალიან ხელშესახები სარგებელი, რომელიც ტექნიკური პროცედურების დასრულების შემდგომ საქართველოს მოქალაქეებისთვის გახდება ხელმისაწვდომი, აუცილებლად გვინდა შევთავაზოთ ასევე აფხაზეთისა და ცხინვალი რეგიონში მაცხოვრებლებს, რა თქმა უნდა, ეს უკავშირდება გარკვეულ პროცედურებს. ჩვენ ხედვა, გეგმები, რომ ეს მაქსიმალურად მოქნილი და ხელმისაწვდომი გახდეს მათთვის. ვფიქრობ, ეს იქნება მნიშნელოვანი შეღავათი იმ პირობებში მცხოვრებლებისათვის, რომლებსაც ფაქტობრივად უწევთ გამკლავება მავთულხლართებთან,“ – განაცხადა ქეთევან ციხელაშვილმა.