პატრიარქის ჯანმრთელობის ზოგადი მდგომარეობა საბედნიეროდ უმჯობესდება, თუმცა ყველა რისკი მოხსნილი არ არის, – ამის შესახებ შრომის, ჯანმრთელობისა და სოციალური დაცვის მინისტრამა დავით სერგეეკომ განაცხადა. მისივე განმარტებით, ილია მეორე ექიმების მეთვალყურეობის ქვეშ რჩება.
„მე არ მაქვს უფლებამოსილება კონკრეტულ კლინიკურ დეტალებზე გესაუბროთ, თუმცა შემიძლია დაგიდასტუროთ, რომ ზოგადი მდგომარეობა უმჯობესდება. თუმცა, გამომდინარე ასაკიდან და თანმდევი დაავადებებიდან, მაინც უკიდურესად საყურადღებოა და ის ექიმების მეთვალყურების ქვეშ რჩება“,- განაცხადა სერგეენკომ.
პატრიარქის ექიმის ცისანა შარტავას განცხადებით უწმინდესის ჯანმრთელობის მდგომარეობა სტაბილურია, თუმცა ინფექციის ფონზე ნაღვლის ბუშტში ანთებითი პროცესის დაწყების გამო, ექიმების კონსილიუმის რეკომენდაციაა პატრიარქის გადაყვანა გერმანიაში სპეციალისტების დაკვირვების ქვეშ იქნება და ქირურგიული ჩარევის აუცილებლობა მოიხსნება.
თავად პატრიარქი ამ ეტაპზე უარს აცხადებს ქვეყნის დატოვებაზე.