რესპუბლიკური პარტიის ყოფილმა წევრებმა სხვა პირებთან ერთად შესაძლოა უახლოეს ხანში ახალი პოლიტიკური ერთობა შექმნან. ვახტანგ ხმალაძის განცხადებით, მოლაპარაკებები დაწყებულია და ამის შესახებ განცხადება, სავარაუდოდ, თებერვალში გაკეთდება.
რესპუბლიკური პარტიის ყოფილი წევრის თქმით, ახალი პოლიტიკური ძალის ლიდერი, სავარაუდოდ, დავით უსუფაშვილი იქნება. ხმალაძის განმარტებითვე, უსუფაშვილის მომავალი პოლიტიკური საქმიანობაა მიზეზი, რის გამოც პარლამენტის ყოფილმა თავმჯდომარემ საკონსტიტუციო კომისიის მუშაობაში ჩართვაზე უარი განაცხადა.