”ნაციონალური მოძრაობის” პოლიტსაბჭოს სხდომა ჩაიშალა. ამის მიზეზი კვორუმის უქონლობა გახდა. პარტიის პოლიტსაბჭოს წევრთა ნაწილი სხდომაზე არ გამოცხადდა.
„ნაციონალური მოძრაობის“ პოლიტიკური საბჭო 60 წევრისგან შედგება. სხდომის გასამართად მასზე მინიმუმ 30 წევრის დასწრება იყო საჭირო.
ამ წუთებში „ნაციონალური მოძრაობის“ ის წევრები, რომლებიც პარტიის ოფისში იმყოფებიან, ყრილობასთან დაკავშირებულ საკითხებზე თათბირობენ.
ის, რომ კვორუმი არ შედგებოდა, აშკარა გახდა ჯერ კიდევ გუშინ, როცა ენმ-ს პოლიტსაბჭოს წევრებმა, რომელნიც პრინციპულად არ ეთანხმებიან ე.წ, გამიჯნულთა ხედვას პარტიის რეორგანიზაციის საკითხში, გააკეთეს განცხადება ამ უკანასკნელთა მიერ პოლიტსაბჭოს სხდომის დანიშვნასთან დაკავშირებით.
"მიზანშეწონილად არ მივიჩნევთ მონაწილეობის მიღებას ერთიანი ნაციონალური მოძრაობის პოლიტიკური საბჭოს 27 დეკემბერს დანიშნულ სხდომაში'' – ნათქვამია განცხადებაში, რომელშიც დასახელებულია მათი ამ ადაწყვეტილების მიზეზები. ,,გადაწყვეტილება 20 იანვრის ყრილობის ჩატარების წესი ს შესახებ უკვე დამტკიცებულია 30 ნოემბრის პოლიტსაბჭოს მიერ.პოლიტსაბჭოს მოწვევის საბაბად დასახელებული მიზეზები არ საჭიროებს ამ ფორმატში შეკრებას, ამიტომ, ნაჩქარევად სხდომის მოწვევას, პოლიტსაბჭოს აქტიური წევრების საქართველში არყოფნის პირობებში, მივიჩნევთ ყრილობის მოწვევის უკვე დამტკიცებული წესების რევიზიის მცდელობად.'' – ნათქვამი იყო განცხადებაში.