მთავარისიახლეებიმსოფლიოტუ 154, რომლის ბორტზეც 92 ადამიანი იმყოფებოდა, სოჭის სიახლოვეს ჩამოვარდა

ტუ 154, რომლის ბორტზეც 92 ადამიანი იმყოფებოდა, სოჭის სიახლოვეს ჩამოვარდა

Published on

ამ დრომდე ეძებენ სოჭის სანაპიროსთან ჩამოვარდნილი თვითმფრინავის ფრაგმენტებს .
რუსეთის თავდაცვის სამინისტროს კუთვნილი ტუ 154, რომლის ბორტზეც 92 ადამიანი იმყოფებოდა, სოჭის აეროდრომიდან აფრენიდან 20 წუთში,  5 საათსა და 27 წუთზე რადარებიდან გაქრა და შავ ზღვაში ჩავარდა. ბორტზე ეკიპაჟის 8 წევრი და 84 მგზავრი იმყოფებოდა, მათ შორის  თავდაცვის სამინისტროს თანამშრომლები, 9 ჟურნალისტი ( ნტვ პირველი არხისა და ,,ზვეზდას" გადამღები ჯგუფები) და ალექსანდროვის სახელობის  სიმღერისა და  ცეკვის ანსამბლის წევრები, რომლებსაც საახალწლო კონცერტი უნდა გაემართათ რუსი სამხედროებისთვის ხმეიმიმის ბაზაზე.
 
 ,,ტუ 154-ის ფრაგმენტები სოჭის სანაპიროდან კილომეტრნახევარში, 50-70 მეტრის სიღრმეზეა ნაპოვნი.  უკვე ნაპოვნია 7 გარდაცვლილის ცხედარი. სამაშველო-სამძებრო ოპერაცია ამ წუთებშიც გრძელდება. თვითმფრინავის ძებნის რაიონში მობილიზებულია 4 საზღვაო ხომალდი, 5 ვერტმფრენი და უპილოტო საფრენი აპარატები. სოჭში უკვე გაემგზავრა რუსეთის თავდაცვის სამინისტროს კომისია, რომელსაც მინისტრის მოადგილე ხელმძღვანელობს," – აცხადებენ რუსეთის თავდაცვის სამინისტროში. 
 
თავდაცვის უწყების ინფორმაციაში ნათქვამია, რომ  ,,ტუ 154 მოსკოვის ჩკალოვსკის აეროდრომიდან სირიის ქალაქ ლატაკიაში მიფრინავდა და   სოჭში, ადლერის აეროდრომზე საწვავის მარაგის შესავსებად დაეშვა,    რის შემდეგაც   აფრინდა და  რადარებიდან გაქრა.'' 
ავიაკატასტროფის სავარაუდო მიზეზად ტექნიკური გაუმართაობა განიხილება, თუმცა გამოძიება პილოტირების შეცდომისა და ტერაქტის ვერსიაზეც მუშაობს. 
საგამოძიებო კომისიას ვლადიმერ პუტინის დავალებით დიმიტრი მედვედევი უხელმძღვანელებს.
 

სიახლეები

“დიახ, არ ვაღიარებ ამ ხელისუფლებას“ – ნიკა გვარამია

საკონსტიტუციო სასამართლოში, სადაც ოპოზიციური პარტიების გაუქმებასთან დაკავშირებული სარჩელის განხილვა მიმდინარეობს, „კოალიცია ცვლილებისთვის“ ლიდერს, ნიკა...

ოკუპ. ცხინვალის ე.წ. საგარეო სამინისტრო- EU-ს მოვუწოდებთ, უარი თქვას პოლიტიკურ შანტაჟზე

ოკუპირებული ცხინვალის ე.წ. საგარეო საქმეთა სამინისტრომ ევროკავშირის უმაღლესი წარმომადგენლის კაია კალასის განცხადება, რომელიც ასოცირების...

კანადა უკრაინას სამხედრო დახმარების ახალ პაკეტს გადასცემს

17 ნოემბერს კანადის ეროვნული თავდაცვის დეპარტამენტმა გაავრცელა განცხადება, რომელშიც ნათქვამია, რომ კანადა უკრაინას სამხედრო...

ვახო სანაიამ მცხეთის იზოლატორი დატოვა

ვახო სანაიამ დღეს, 18 ნოემბერს, ერთთვიანი პატიმრობის შემდეგ მცხეთის იზოლატორი დატოვა. ჟურნალისტი ფეისბუკზე დაწერილი...