ხობის რაიონის სოფელ ჭალადიდის სკოლაში მასწავლებლები გაიფიცნენ, რის გამოც სასწავლო პროცესი ჩაიშალა. პედაგოგები დირექტორის გადაყენებას ითხოვენ. პედაგოგების თქმით, უკვე წლებია სკოლის დირექტორისგან ზეწოლის და შეურაცხყოფის ატანა უწევთ. გაფიცული პედაგოგები პროცესებში განათლების სამინისტროს ჩართვას და მის დროულ მოგვარებას ითხოვენ, წინააღმდეგ შემთხვევაში გაკვეთილებზე შესვლას არ აპირებენ. მომხდართან დაკავშირებით სკოლის დირექტორი ირმა ხარშილაძე მედიასთან კომენტარს არ აკეთებს.ინფორმაციას ინტერპრესნიუსი ავრცელებს.