ტელეკომპანია “რენ ტვ” – ს ცნობით, მოსკოვში, საკუთარ ბინაში დილის 5 საათზე გარდაცვლილი იპოვეს რუსეთის საგარეო საქმეთა სამინისტროს ლათინური ამერიკის დეპარტამენტის ყოფილი ხელმძღვანელი პეტრ პოლშიკოვი. ბინაში აღმოჩენილია ორი ვაზნა და ტრავმატული პისტოლეტი, საიდანაც არის განხორციელებული გასროლა. გვამს ნასროლი თავის არეში აღენიშნება. ბინაში ამ დროს გარდაცვლილის მეუღლეც იმყოფებოდა.
სამართალდამცავები მუშაობენ ორ ვერსიაზე – მკვლელობა და სუიციდი.
შს სამინისტრო მომხდარის დეტალებს არ ახმაურებს.
საგარეო საქმეთა სამინისტროს პრესსამსახური ადასტურებს, რომ პოლშიკოვი წლების მანძილზე მუშაობდა დეპარტამენტის ხელმძღვანელად, მაგრამ 2008 წელს განთავისუფლებულ იქნა და ბოლო წლებში უმუშევარი იყო.