ჩიორა თაქთაქიშვილი ავრცელებს ინფორმაციას, რომ "შიდადემოკრატიის" სახელით მოქმედმა ენმ-ს მმართველმა გუნდმა შემცირებაში მოაყოლა  ადამიანები , რომლებიც ღიად გამოთქვამდნენ პოზიციას და მხარს უჭერდნენ დიდი, 7000-დელეგატიანი ყრილობის ჩატარებას.

მათ შორის არიან : კობა ხაბაზი – თავისუფალი ზონის დამფუძნებელი და ენმ-ს რეგიონული დეპარტამენტის გურიის კოორდინატორი,

გოგა ონიანი – ენმ-ს ერთ-ერთი იურისტი, პარტიის აქტივისტების ადმინისტრაციული და სისხლის სამართლებრივი დევნის საკითხებზე,

ზურაბ ცერცვაძე – საჩხერეში (!!!!!) ენმ-ს მაჟორიტარობის კანდიდატი და რეგიონული დეპარტამენტის იმერეთის კოორდინატორი,

გიორგი (ჯეო) ხურცილავა – 2002 წლიდან პარტიის თანამშრომელი, რეგიონული დეპარტამენტის ქვემო-ქართლის კოორდინატორი,

ვაჟა წოწკოლაური – 2002 წლიდან პარტიის თანამშრომელი, ფრაქციის აპარატის უფროსი და მცხეთა-მთიანეთში წარმომადგენელი,

გიორგი ბაბაკიშვილი – ენმ-ს ერთ-ერთი იურისტი, მოიგო პოლიტიკური ნიშნით გათავისუფლებული საჯარო მოხელეების არაერთი სკანდალური საქმე.

დარწმუნებული ვარ, რომ თითოეული მათგანი უხელფასოდაც ყველაფერს გააკეთებს ივანიშვილის რეჟიმის დასამარცხებლად. მაგრამ სირცხვილია! ძალიან დიდი სირცხვილი!“ – წერს ჩიორა თაქთაქიშვილი. 

სოციალურ ქსელში მმართველი რგოლის მიერ გახორციელებულ ამ ,,ოპტიმიზაციას'' მწვავე კრიტიკით ეხმაურებიან:  ,,ხალხი ფრაქციული ნიშნით გაანთავისუფლეს. ანუ ვინც მათთან ოპოზიციაში იყო. და ესაა დემოკრატია? ''