სანდრა რულოვსი: ჩემი უარი პარლამენტში შესვლაზე ეფუძნებოდა როგორც ჩემს პირად მოსაზრებებს, ასევე პარტიაში განვითრებულ მოვლენებს

0
338
სანდრა რულოვსი თვლის, რომ საქართველოს მოსახლეობას თავს მოახვიეს მცდარი და არარეალური საპარლამენტო შემადგენლობა – ამის შესახებ იგი ლაპარაკობს 
თავის ოფიციალურ ფესბუქგვერდზე რამდენიმე წუთის წინ გამოქვეყნებულ პოსტში, სადაც კიდევ ერთხელ უბრუნდება  არჩევნების გაყალბების თემას და მისი ცნობილი გადაწყვეტილების განმაპირობებელ  ფაქტორებს.
,,მეგობრებო! როგორც უკვე ცნობილია, ნოემბრის თვეში მე მივიღე გადაწყვეტილება, რომ არ ვიყო 2016-2020 წლების მოწვევის საქართველოს პარლამენტის წევრი. – წერს სანდრა რულოვსი – ჩემს გადაწყვეტილებას საფუძვლად დაედო ის (წინა)საარჩევნო დარღვევები, უკანონობა და მნიშვნელოვანი გაყალბებები რასაც ადგილი ქონდა მთელს საქართველოსა და განსაკუთრებით ზუგდიდში, რამაც საბოლოო ჯამში განაპირობა არალეგიტიმური შედეგი. ჩემი გადაწყვეტილება, ენმ-ის პარტიული სიის მე-2 ნომრად პარლამენტში შესვლაზე უარის თქმის შესახებ, ეფუძნებოდა როგორც ჩემს პირად მოსაზრებებს, ასევე პარტიაში განვითრებულ მოვლენებს.
აღსანიშნავია, რომ ჯერ კიდევ არ არის საბოლოო სიტყვა ნათქვამი იმ აუტანელ საარჩევნო გარემოზე, რომელშიც მიმდინარეობდა წინასაარჩევნო კამპანია, მთლიანად არჩევნები და 
ჩვენ ყველა მხოლოდ ეხლა ვაცნობიერებთ, თუ რა უარყოფითი და ნეგატიური შედეგები შეიძლება მოყვეს ამომრჩევლის ნების დამახინჯებას საქართველოს მომავალი სოციალური, ეკონომიკური თუ გეოპოლიტიკური მდგომარეობისათვის.
ჩემის მხრივ კი მე ვაგრძელებ საქველმოქმედო საქმიანობას და მოღვაწეობას ჯანდაცვის მიმართულებით და საქართველოს მოსახლეობას დავუდგები გვერდში ქვეყნისთვის ურთულეს პერიოდში, გვფარავდეს ღმერთი.'''
წინა სტატიაუახლოესი სამი დღის განმავლობაში შავი ზღვის სანაპიროზე 5-ბალიანი შტორმია მოსალოდნელი
შემდეგი სტატიასიცივე გარეთ – სიცივე სკოლაში. ,,ყინვა და პატარა მოწაფე” ,,კომბლეზე” აქტუალური ხდება
ტელეკომპანია ოდიშის საინფორმაციო სამსახური