ამერიკა – საქართველოს ბიზნეს საბჭოს ყოველწლიურ მე-19 კონფერენციაზე საქართველოში დამოუკიდებელი სასამართლოს მნიშვნელობაზე ისაუბრა ამერიკის სახელმწიფო მდივნის მეორე თანაშემწე ბრიჯით ბრინქმა.მისი თქმით პოლიტიკური ძალების გავლენისგან თავისუფალ სასამართლოს და პროკურატურას მნიშვნელობა აქვს არა მხოლოდ პოლიტიკური და ეკონომიკური კუთხით, რადგან უცხოელი ინვესტორებისთვის რისკის შემცველია ისეთი სასამართლო, რომელიც არ არის დამოუკიდებელი.
"პოლიტიკური კუთხით აქ არის ასევე ერთი საკითხი რაშიც ვფიქრობ ჩვენ უნდა დავეხმაროთ ქართველებს რომ ფოკუსირება მოახდინონ, ეს არის სასამართლო სისტემის რეფორმა. 6 ქვეყნიდან რომელზეც ვმუშაობ, სამი – აქტიურად ცდილობს ევროპაში ინტეგრაციას. ეს არის უკრაინა, მოლდოვა და საქართველო. ის რაც ყველაზე ყურადსაღებია, არის სასამართლო სექტორი, დამოუკიდებელი სასამართლოს ნაკლებობა, სასამართლო რომელზეც პოლიტიკური ძალები ახდენენ გავლენას, გენერალური პროკურორის ოფისი რომელზეც შეიძლება ასევე პოლიტიკურ ძალებს ჰქონდეთ გავლენა, ადვოკატები რომლებიც ყოველთვის ძლიერები არ არიან."ბიზნესისთვის ეს საკითხი მნიშვნელოვანია. ინვესტორებისთვის, როცა ისინი შედიან ქვეყანაში, ყოველთვის არ არის იმის შეგრძნება, რომ მათ მოებყრობიან სამართლიანად და მათი კონტრაქტები შესრულდება,“-განაცხადა აშშ-ს სახელმწიფო მდივნის მეორე თანაშემწემ ბრიჯით ბრინქმა.