არასამთავრობო ორგანიზაცია ,,საერთაშორისო გამჭვირვალობა-საქართველო'' საპარლამენტო არჩევნების დროს რეაგირების გარეშე დარჩენილ ზეწოლის ფაქტებზე საუბრობს და ხაზგასმით აღნიშნავს, რომ ეს ამ არჩევნებში მთავარი პრობლემური საკითხი იყო.
დღეს ორგანიზაცია წარადგენს საბოლოო ანგარიშს არჩევნებში ადმინისტრაციული რესურსების გამოყენების შესახებ. მასში მოყვანილია ამომრჩეველზე ზეწოლის ფაქტები, რომელზეც საჩივარი დაიწერა, თუმცა საერთაშორისო გამჭვირვალობის მტკიცებით, არცერთ მათგანზე რეაგირება არ ყოფილა. საანგარიშო პერიოდი 8 ივნისიდან 30 ნოემბრამდე არსებულ დროის შუალედს მოიცავს.
„ჩანაწერების გამოყენება, რომლის გამოქვეყნებაც წინასაარჩევნოდ ხდებოდა და მასში ასახული იყვნენ ოპოზიციური პოლიტიკური პარტიის ლიდერები და მათ დისკრედიტაციას ისახავდა მიზნად. 10-ზე მეტი შემთხვევა იყო, როდესაც ადამიანები საუბრობდნენ მათზე ზეწოლა იყო სახელმწიფო სტრუქტურების მხრიდან, რომ არ წასულიყვნენ შეხვედრაზე, არჩევნებზე, მხარდაჭერა არ გამოეთქვათ ოპოზიციური პოლიტიკური პარტიისთვის. სამწუხაროა, რომ არცერთი შემთხვევა რეალურად არ იქნა გამოძიებული,“ – განაცხადა ლევან ნატროშვილმა.