ფინანსთა მინისტრი დიმიტრი ქუმსიშვილი ლარის გაუფასურებასთან დაკავშირებით აცხადებს, რომ გუშინ იყო მიწოდების შოკი, რომელიც იყო არასწორი გადაწყვეტილებების შედეგი, თუმცა არა სახელმწიფო სექტორის ნაწილში.
„გუშინ ჩვენ გვქონდა მიწოდების შოკი, რომელიც იყო არასწორი გადაწყვეტილებების შედეგი, ოღონდ არა სახელმწიფო სექტორის ნაწილში. ეს იყო მოლოდინებზე აგებული გადაწყვეტილებები, მაგრამ ძალიან მოხარული ვარ, რომ მალე ინფორმაცია სწორად გავრცელდა, მოლოდინები სწორად დალაგდა და, შესაბამისად ჩვენ გუშინ საღამოს ვნახეთ უკვე დარეგულირებული ბაზარი. დღეს ვხედავთ, რომ აბსოლუტურად ნორმალურად ფუნქციონირებს ბაზარი. ჩვენ დღეს საკმაოდ კარგი გამყარება გვქონდა. მე დარწმუნებული ვარ, რომ მაკროეკონომიკურად როგორც არის სწორი ისე იქნება“, – განაცხადა ქუმსიშვილმა.