„ერთიანი ნაციონალური მოძრაობის“ პოლიტსაბჭოს გადაწყვეტილებას პარტიის წევრი ანა წითლიძე ეხმაურება. “ გუშინდელი პოლიტსაბჭოს გადაწყვეტილება იყო ლოგიკური, რადგან პარტიის წევრების და უმრავლესობის პოზიცია , თუ ვინ არის პარტიის უპირობო ლიდერი, ყველასთვის ყოველთვის იყო მკაფიო და ცხადი, ეს არის მიხეილ სააკაშვილი. სააკაშვილის პროექტის გამარჯვება პოლიტსაბჭოზე იყო კიდევ ერთი ნათელი დადასტურება ამისი. ეს ნიშნავს იმას, რომ პარტიის თავმჯდომარის პოსტი იქნება ვაკანტური, ჩვენ მას არ ავირჩევთ. პარტიაში მორჩება კულვარული გადაწყვეტილებები, პარტიის მომავალ ბედს გადაწყვეტს არა ერთი და ორი ადამიანი, არამედ მრავალათასიანი ყრილობა.“- აცხადებს წითლიძე. საკრებულოს დეპუტატი ასევე ეხება სამეგრელოს კოორდინატორის თენგიზ გუნავას პოზიციას, რომელმაც პოლიტსაბჭოს სხდომაზე სააკაშვილის პროექტის წინააღმდეგ მისცა ხმა, ანა წითლიძე ამბობს, რომ მისთვის გუნავას პოზიცია მიუღებელია.“სამეგრელოს კოორდინატორის თენგიზ გუნავას პოზიცია, რომელმაც სააკაშვილის პროექტის წინააღმდეგ მისცა ხმა, ჩემთვის პირადად მიუღებელია, ეს არ არის ნამდვილად ზუგდიდის და სამეგრელოს პოზიცია. სამეგრელოს პოზიცია არის მიხეილ სააკაშვილის ცალსახად მხარდაჭერა. ის, რომ გუნავა დღეს თავისუფალია, არის მიხეილ სააკაშვილის პირადი ხელმოწერით. სწორედ ამის გამო მას არ უნდა მიეცა ხმა სააკაშვილის წინაღმდეგ, მითუმეტეს, მან წუხელ გააკეთა განცხადება და აღნიშნა, რომ იყო პარტიიდან მისი დისტანცირების მცდელობა.“- განაცხადა „ოდიშინიუსთან“ წითლიძემ. მან ასევე ისაუბრა სამომავლო გეგმებზეც. „ყველაზე მთავარია ის, რომ პარტია მოემზადოს ყრილობისთვის, უნდა აირჩეს ახალი პოლიტიკური საბჭო, რეგიონული ორგანიცაზიებიდან დელეგატები და უნდა მოხდეს რაიონული პარტიის თავმჯდომარეების არჩევა და ახალ კადრებს უნდა მიეცეთ პარტიაში რეალიზების საშუალება“- განაცხადა ანა წითლიძემ.
სიახლეები
საზოგადოება
საგანმანათლებლო-შემეცნებითი მოგზაურობა საქართველოს მასშტაბით, ილიაუნთან ერთად
26 აპრილიდან ილიას სახელმწიფო უნივერსიტეტი კვლევითი ცენტრების წარმომადგენლებთან, პროფესორებთან, სტუდენტებთან და ილიაუნის ჰუმანოიდ რობოტ ატომთან...
საზოგადოება
კაია კალასი: სანქციების მე-20 პაკეტი და უკრაინისთვის 90 მილიარდი ევროს სესხი დავამტკიცეთ
ევროკავშირი რუსეთის წინააღმდეგ ზეწოლას კიდევ უფრო გააძლიერებს. სანქციების მე-20 პაკეტის დამტკიცების შემდეგ, ევროპელმა ლიდერებმა...
სიახლეები
ვინ არიან ივანიშვილის ახალი ცენზორები კომუნიკაციების კომისიაში? – TI
ვინ არიან ივანიშვილის ახალი ცენზორები კომუნიკაციების კომისიაში? - ამ სათაურით საერთაშორისო გამჭვირვალობა საქართველო სტატიას...
სიახლეები
მოსამართლემ კობახიძის წინააღმდეგ მზია ამაღლობელის მეორე დავის განხილვაც შეწყვიტა
თბილისის საქალაქო სასამართლომ ირაკლი კობახიძის წინააღმდეგ მზია ამაღლობელის სამოქალაქო საქმის წარმოება შეწყვიტა. ბათუმელებისა და...