საფრანგეთში კონსერვატიული პარტიის საპრეზიდენტო პრაიმერში გამარჯვება ფრანსუა ფიიონმა მოიპოვა. მან თავის კონკურენტებს, ნიკოლა სარკოზის პირველ ტურში, ალენ ჟიუპეს კი მეორე ტურში აჯობა, ამჯერად მან ხმების თიტქმის 70 % მიიღო, რის შემდეგაც პრეზიდენტობის ოფიციალური კანდიდატი გახდა.
დამარცხებულმა კანდიდატმა უკვე მიულოცა გამარჯვება თავის კონკურენტს. ფიიონი კი იმედოვნებს, რომ ალენ ჟიუპეს მხარდაჭერა საპრეზიდენტო კამპანიაშიც ექნება.
ფრანსუა ფიიონი ქვეყნის ყოფილი პრემიერია, იგი გამოირჩევა იმით, რომ რუსეთთან მჭიდრო კავშირის მომხრეა და აცხადებს მზადყოფნას გაპრეზიდენტების შემთხვევაში გადახედოს მოსკოვისათვის დაწესებულ სანქციებს სირიის მოვლენებთან დაკავშირებით.
არჩევნები საფრანგეთში 2017 წლის გაზაფხულზეა დაგეგმილი. ექსპერტები კონსერვატორების კანდიდატის მთავარ კონკურენტად ნაციონალისტების ლიდერს მარი ლეპენს მიიჩნევენ.