ირაკლი შოთაძე საპროკურორო საბჭოს მუშაობის ერთწლიან ანგარიშს აცნობს

0
404
   საპროკურორო საბჭოს სხდომა დახურულ ფორმატში, უკვე ორ საათზე მეტია მიმდინარეობს. კოლეგების წინაშე მოხსენებით მთავარი პროკურორი გამოდის. ირაკლი შოთაძე სხდომის მონაწილეებს მუშაობის ერთწლიან ანგარიშს გააცნობს. ის ისაუბრებს უწყებაში განხორციელებულ და დაგეგმილ რეფორმებზე.ანგარიშის კონკრეტული დეტალები მედიისთვის უცნობია. პრესსამსახურში განმარტეს, რომ ანგარიში სრულად აიტვირთება მთავარი პროკურატურის ვებგვერდზე.როგორც თავად მთავარი პროკურორი განმარტავს, გატარებული რეფორმების გარდა, საუბარი სამომავლო გეგმებსაც შეეხება. ერთ-ერთი კი ლიბერალური სამართლებრივი დევნა, არასრულწლოვანთა მართლმსაჯულება და ოჯახში ძალადობაა.
    „ანგარიშში საუბარი იქნება პროკურატურის საქმიანობაზე, ჩვენ სისტემაში განხორციელებულ რეფორმაზე. სისტემის განვითარებისთვის გადადგმულ ნაბიჯებზე. ასევე ჩვენი თანამშრომლების, პროკურორების თავისუფლების და განვითარების მიმართ გადადგმულ რეფორმატულ ნაბიჯებზე,“ – განაცხადა ირაკლი შოთაძემ.საპროკურორო საბჭო ერთი წლის წინ შეიქმნა და ირაკლი შოთაძეს, როგორც მთავარ პროკურორს, გააჩნია ვალდებულება საბჭოს წინაშე, რომ წელიწადში ორჯერ ანგარიშით წარდგეს.
 
წინა სტატიაყირიმის ტერიტორიაზე ვერტმფრენის ჩამოვარდნის შედეგად 3 ადამიანი დაიღუპა
შემდეგი სტატიანიკა გვარამია იმ პირთა ვინაობას ასახელებს, ვინც მოსამართლეებზე ზეწოლას ახორციელებს
ტელეკომპანია ოდიშის საინფორმაციო სამსახური