გუშინ საღამოს თურქეთის სამართალდამცავმა ორგანოებმა გაათავისუფლეს მცირე ხნით ადრე ქალაქ შირვანში დაკავებული „ბი-ბი-სი-ს თურქეთის ბიუროს ჟურნალისტი ჰატის კამერი. პატიმრობაში რჩება იმავე დღეს დიარბარკირში დაკავებული ჰაჯან ფარგინი, რომელიც რადიო „ამერიკის ხმის“ თანამშრომელია. Associated Press –ის ცნობით, ჟურნალისტების დაკავების მიზეზებზე ოფიციალური განცხადება ამ დრომდე არ გაკეთებულა. გამოცემა აღნიშნავს, რომ ეს დაკავებები, შესაძლოა, თურქეთში სახელმწიფო გადატრიალების მცდელობას უკავშირდებოდეს.
ეს არ არის უხოური სააგენტოების ჟურნალისტების დაკავების პირველი შემთხვევა ბოლო პერიოდში – ნოემბრის დასაწყისში დააკავეს 52 წლის ფრანგი ჟურნალისტი ოლივიე ბერტრანი, რომელიც მოგვიანებით თავის ქვეყანაში იქნა დეპორტირებული.