ლარი ყოველდღიურ გაუფასურებას განაგრძობს. ეროვნული ვალუტა რეკორდულ მინიმუმზეა – 1 დოლარის ოფიციალური ღირებულება 2.50 ლარია. გაცვლითი კურსი გაცილებით მაღალია კომერციულ ბანკებსა და გადამცვლელ პუნქტებში.ამ თემაზე განმარტებები დღეს პარლამენტში გაკეთდა.საპარლამენტო უმცირესობა მეტ კრიზისს პროგნოზირებს. ნაციონალური მოძრაობის წევრი, რომან გოცირიძე, აცხადებს, რომ მთავრობამ არ გაითვალისწინა მათი რჩევა.„ვერდიქტი დასვა ლარმა. ლარს არ მოსწონს ეს მთავრობა, ეს არის მათთვის განაჩენი,“ – განაცხადა რომან გოცირიძემ.კომენტარი გააკეთა ნაციონალური მოძრაობის კიდევ ერთმა წევრმა, ოთარ კახიძემ, რომელმაც აღნიშნა, რომ ლარის გაუფასურება გაგრძელდება მანამდე, სამამ ქვეყანაში არ მოიზიდავენ უცხოურ ინვესტიციებს, და არ გაიზრდება ექსპორტი.უმრავლესობა კი ლარის გაუფასურებას ისევ გარეფაქტორებს უკავშირებს.“ქვეყანა უნდა გახდეს მწარმოებელი. მაშინ, როცა ქვეყანა მწარმოებელი ხდება და ის პროდუქტებს წარმოებს, ასეთ შემთხვევაში მას არ აშინებს ლარის დევალვაცია,“ – განაცხადა გიგლა აგულაშვილმა.კომენტარი გააკეთა პარლამენტის აგრარულ საკითხთა კომიტეტის თავმჯდომარემ, ოთარ დანელიამ.„ეს არის დღევანდელი ხელისუფლების გამოწვევა და, რა თქმა უნდა, თავი უნდა გაართვას ამ გამოწვევას,“ – განაცხადა ოთარ დანელიამ.
რომან გოცირიძე:„ვერდიქტი დასვა ლარმა, ლარს არ მოსწონს ეს მთავრობა, ეს არის მათთვის განაჩენი“
Published on