მთავარისიახლეებიმსოფლიოისრაელში დაკავებულია 8 ადამიანი, რომელიც ეჭვმიტანილია ტყის ხანძრების ხელოვნურად გაჩაღებაში

ისრაელში დაკავებულია 8 ადამიანი, რომელიც ეჭვმიტანილია ტყის ხანძრების ხელოვნურად გაჩაღებაში

Published on

ძლიერი ხანძრის გამო ისრაელის ქალაქ ჰაიფადან და მიმდებარე რაიონებიდან 60 ათასზე მეტი ადამიანის ევაკუაცია მოხდა.  ისრაელის ხელისუფლების მიერ გავრცელებული ინფორმაციით, მეხანძრეები ლაპარაკობენ ხანძრის მინიმუმ  ათ კერაზე , რაც პირდაპირ მიუთითებს, რომ ცეცხლი უბრალო დაუდევრობით ან სხვა ბუნებრივი მიზეზით არ გაჩენილა.
ტყის ხანძარმა, რომელსაც ბოლო 3 დღეა ებრძვიან ქვეყნის ცენტრალურ რეგიონში, დასახლებულ პუნქტებამდე მიაღწია, მან შთანთქა რამდენიმე საცხოვრებელი სახლი, თუმცა მოქალაქეები უკვე ევაკუირებული იყვნენ და მსხვერპლი არ არის. ოფიციალური ინფორმაციით საავადმყოფოებშია გადაყვანილი ჰაიფას 30 მცხოვრები, რომელთაც სხვადასხვა ხარისხის დამწვრობები აქვთ მიღებული. 
სახელმწიფოს დიდი ძალისხმევა დასჭირდა მისი ლოკალიზებისა და  დასახლებულ პუნქტებში შემდგომი გავრცელების შეჩერებისათვის. ხანძრის ჩაქრობაში ისრაელის ავიაციასთან ერთად ჩართული იყო საბერძნეთიდან და კვიპროსიდან გამოძახებული თვითმფრინავებიც. 
მიუხედავად იმისა, რომ აალების თითქმის ყველა კერა  ლიკვიდირებულია ან ლოკალიზებული, ათი ათასობით ადამიანი ვერ ბრუნდება სახლებში, რადგან არსებობს განმეორებითი აალების რეალური შესაძლებლობა
ისრაელის ხელისუფლება შესაძლო დივერსიაზე საუბრობს და აცხადებს, რომ თუ გამოძიება დაადგენს, რომ ხანძარი მიზანმიმართულად იყო გაჩენილი, მომხდარს ტერაქტის კვალიფიკაციას მიანიჭებენ.
პორტალი ynet – ის ცნობით, ამ დროისათვის დაკავებულია 8 ადამიანი, რომელიც ეჭვმიტანილია დივერსიაში  –  ხანძრის ხელოვნურად გაჩაღებაში. 
 

სიახლეები

22 ნოემბერი საქართველოში გლოვის დღედ გამოცხადდა

ქვემო ფონიჭალაში საცხოვრებელი კორპუსის ნგრევის შედეგად დაღუპულთა ხსოვნის პატივსაცემად, 2026 წლის 22 ნოემბერი საქართველოში...

საერთოდ ჩაიტანოს თუ უნდა დედამიწამ! – ნიკა გვარამია ივანიშვილზე

„კოალიცია ცვლილებისთვის“ ლიდერი ნიკა გვარამია აცხადებს, რომ მხარს უჭერს დიდი ბრიტანეთის მთავრობის მიერ ტელეკომპანიების...

ქვემო ფონიჭალაში მომხდარ აფეთქებაზე გამოძიება დაიწყო

ქვემო ფონიჭალაში მომხდარ აფეთქებასთან დაკავშირებით გამოძიება სისხლის სამართლის კოდექსის 240-ე პრიმა მუხლის პირველი ნაწილით...

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა. ამის შესახებ ინფორმაციას რუსული...