„ისლამური სახელმწიფო“ ერაყის ქალაქ მოსულში ქიმიური იარაღის გამოყენებას გეგმავს. ამის შესახებ IHS Markit-ი იუწყება. გავრცელებული ინფორმაციით, 2014 წლიდან დღემდე ექსტრემისტულმა დაჯგუფებამ სირიასა და ერაყში ქიმიური იარაღი 71 ჯერ გამოიყენა. აღნიშნული ტიპის იარაღის წარმოება სწორედ ქალაქ მოსულში ხდებოდა.შეგახსენებთ, რომ მოსულის აღმოსავლეთ ნაწილში უკვე რამდენიმე კვირაა, რაც ერაყის სამთავრობო ძალებსა და „ისლამურ სახელმწიფოს“ შორის ანტიტერორისტული ოპერაცია მიმდინარეობს.