გუშინ უშიშროების საბჭოს ფორმატში განხილულ იქნა გენერალური შტაბის ხელმძღვანელის ცვლილების საკითხი. პრეზიდენტი გიორგი მარგველაშვილი თავდაცვის მინისტრის გადაწყვეტილებას დაეთანხმა და დღეს გენშტაბის ახალ ხელმძღვანელად ოფიციალურად წარადგენს ვლადიმერ ჩაჩიბაიას .
თავდაცვის მინისტრის ლევან იზორიას თქმით კი, სამინისტრო ახალ სტრატეგიული მიმოხილვის დოკუმენტზე მუშაობს, რომლის განხორციელებას უკვე გენერალური შტაბის ახალ ხელმძღვანელს მოუწევს.
„ახალ სტრატეგიული მიმოხილვის დოკუმენტს დეკემბერში წარვუდგენთ მთავრობას. ინტენსიურად მიდის მუშაობა ამ დოკუმენტზე და ახალი გუნდი გენშტაბში იქნება ამ დოკუმენტის განხორციელებისთვის.
გენერალური შტაბის ხელმძღვანელი ვახტანგ კაპანაძე კი, ნატო-ში მთავარ სამხედრო წარმომადგენლად მიდის. მან შეთავაზება უკვე მიიღო და თანხმობაც განაცხადა.