უზენაესმა სასამართლომ რუსთავი 2-ის საჩივრების განხილვის თარიღი დაასახელა. ტელეკომპანიის საქმეზე უმაღლესი ინსტანცია ზეპირი მოსმენის გარეშე 21 ნოემბერს იმსჯელებს.
სამაუწყებლო კომპანია რუსთავი 2 მოითხოვდა, რომ მაღალი საზოგადოებრივი ინტერესის გამო, ტელეკომპანიის საქმის განხილვა ზეპირი მოსმენით წარმართულიყო, თუმცა უზენაესმა სასამართლომ ეს შუამდგომლობა არ დააკმაყოფილა და საქმეს ზეპირი მოსმენის გარეშე განიხილავს.
რუსთავი 2-ის ადვოკატებისთვის ჯერჯერობით უცნობია, თუ როდის მიიღებს სასამართლო გადაწყვეტილებას. გადაწყვეტილების მიღების ბოლო ვადა კი 25 იანვარია.
ქიბარ ხალვაშის ადვოკატი არ გამორიცხავს, რომ რუსთავი 2-ის საქმე უზენაესმა სასამართლომ სააპელაციოში დააბრუნოს. პაატა სალია ამავე დროს იმედოვნებს, რომ საქმე მათ სასარგებლოდ დასრულდება.
„იმედი გვქვს, რომ საქმე ჩვენს სასარგებლოდ დასრულდება, მაგრამ არ გამოვრიცხავთ, რომ შესაძლოა უზენაესმა სასამართლომ სააპელაციოში დააბრუნოს,“- განაცხადა პაატა სალიამ.