მიხეილ სააკაშვილმა ახალი პოლიტიკური პარტია დააფუძნა და ვადამდელ არჩევნებს ითხოვს. ამის შესახებ განცხადება დღეს მან კიევში გამართულ პრესკონფერენციაზე გააკეთა. მიხეილ სააშვილის ახალი გაერთიანების სახელწოდებაა ,,ახალი ძალების პლატფორმა ''
“მე დღეს ვაცხადებ, რომ ვაფუძნებთ ახალ პოლიტიკურ გუნდს, რომლის მიზანია, არსებული პოლიტიკური ელიტის შეცვლა, რომელიც აკონტროლებს რადას, ჩვენი მიზანია ვადამდელი არჩევნების დანიშვნა,” – განაცხადა მიხეილ სააკაშვილმა დღეს გამართულ პრესკონდერენციაზე.
სააკაშვილის თქმით, მის გუნდში სხვადასხვა ასაკის ადამიანები იქნებიან, რომლებსაც "ფულის კეთების" ნაცვლად, საკუთარი ქვეყნის სამსახურში ყოფნა სურთ. გუნდში არ იქნება არც ერთი დეპუტატი, რომელიც ერთ ვადაზე მეტხანს იყო უკრაინის უმაღლესი რადას წევრი, ასევე, არავინ , ვისაც ორ -სამ წელზე მეტხანს ეკავა თანამდებობა აღმასრულებელ ხელისუფლებაში.
გუნდის საარჩევნო სიაში -არ იქნება მსხვილი ბიზნესის არც ერთი წარმომადგენელი , ვისაც არ უნდა წარმოადგენდეს ის – საკუთარ თავს თუ მის უკან მდგომ ვინმე სხვას . “ჩვენ მხარს დავუჭერთ ბიზნესს, მაგრამ არ შევიყვანთ ბიზნესმენებს რადაში,” – განაცხადა მიხეილ სააკაშვილმა.