სახელმწიფო დუმას ტრამპში ეჭვი შეეპარა და არ გამორიცხავს, მან რუსეთს უღალატოს . – ამის შესახებ დღეს რუსეთის პარლამენტის ქვედა პალატის საერთაშორისო საქმეების კომიტეტის ხელმძღვანელმა ლეონიდ სლუცკიმ განაცხადა.
როგორც მან სააგენტო ,, Москва’’-ს ჟურნალისტთან საუბარში აღნიშნა, არ არის დარწმუნებული, რომ ტრამპი გულწრფელი იყო , როცა რუსეთის მიმართ თავის სიმპათიებზე ლაპარაკობდა. რუსეთის ფედერაციას კონსტრუქტიული დამოკიდებულების აუცილებლობის შესახებ. ,, ტრამპის სიტყვების მიუხედავად, ჩვენ არაერთი მაგალითი ვიცით, როცა კანდიდატის წინასაარჩევნო რიტორიკა რუსეთის მიმართ დამოკიდებულებაში მისი გამარჯვების შემდეგ რადიკალურად იცვლებოდა დესტრუქციული მხარისკენ'' – ამბობს სლუცკი და არ გამორიცხავს, რომ ტრამპი უბრალოდ ცდილობდა ამით ოპონირება გაეწია დემოკრატიული პარტიის კანდიდატის ჰილარი კლინტონისათვის , სინამდვილეში კი არანაირი სიმპათია არა აქვს რუსეთის მიმართ.
ამასთან სლუცკიმ კიდე ერთხელ დაადანაშაულა აშშ იმაში, რომ იგი ცდილობს შექმნას ერთპოლუსიანი მსოფლიო და თავს მოახვიოს ევროპას უცხო ფასეულობები, უხეშად ერევა სხვა ქვეყნების შიდაპოლიტიკურ სიტუციებში და ა.შ.
ამ ფონზე დუმის დეპუტატი ,,ედინაია როსიადან’’ სერგეი ჟელეზნიაკი გამოთქვამს იმედს, რომ ტრამპი მაინც დარჩება თავისი წინასაარჩევნო რიტორიკის ჩარჩოებში , ხოლო აშშ მის ხელში უარს იტყვის ,,აღვირახსნილ ანტირუსულ ისტერიაზე''.