მიხეილ სააკაშვილი გარკვეული ხნის პაუზის შემდეგ პირველად ეხმაურება ერთიანი ნაციონალური მოძრაობის ლიდერშიფის ერთი ფრთის კამპანიას, რომელიც პარტიის მხარდამჭერთა უდიდესმა ნაწილმა აღიქვა როგორც პარტიისგან მისი გამიჯვნის ცუდად შენიღბული მცდელობა.
„აქვეყნებენ რაღაცას, რაც ისეა აღქმული, რომ ემიჯნებიან თავიანთ მხარდამჭერებს, ხალხს, ვინც გადაგვაკვდა თან და გადააკვდა საქართველოს საქმეს. – აცხადებს მიხეილ სააკაშვილი – მათ ჩემთან კი არა აქვთ პრობლემა, საკუთარ ხალხთან და მხარდამჭერებთან, ჩვენს 600.000 მხარდამჭერთან აქვთ პრობლემა და მათთან, ვინც დაუშვა ამდენი შეცდომა, ვინც გამოგვიწერა დამარცხება არა მარტო წარსულში, არამედ მომავალი დამარცხებაც გამოცხადებული აქვთ, ვინც დაუშვა ამდენი შეცდომა, მათთან, მათ შორის პარტიის შიგნით ხელმძღვანელობაშიც, მე არაფერი საერთო არ მინდა მქონდეს" .
მიხეილ სააკაშვილის ეს ინტერვიუ, რომელშიც ის საუბრობს შეერთებული შტატების საპრეზიდენტო არჩევნებში დონალდ ტრამპის გამარჯვებაზეე, საქართველოს მიერ გაშვებულ შანსებსა და , როგორც თავად ამბობს, ,,პარტიაში ერთ-ორ ახირებულ პერსონაჟზე'' ჩაწერილია დღეს, უკრაინაში.