მიმდინარე წლის 12 ივლისს მესტიის გზაზე დაკარგული 65 წლის გერმანიის მოქალაქის, წარმომოშობით უკრაინელი სერგეი სმისლოვის ცხედარი ნაპოვნია.

,,თაიმერის,, ინფორმაციით, სმისლოვის ცხედარი ნაპოვნია მესტიის მისასვლელთან ახლოს.

შეგახსენებთ, რომ 12 ივლისს, 65 წლის ინჟინერი ზუგდიდიდან მესტიის მიმართულებით უკვალოდ გაქრა, ვერ იპოვეს მის მანქანაც, რომლითაც იგი საქმიან შეხვედრაზე მიემართებოდა. შეგახსენებთ, რომ ადამიანი, ვინც მას ბოლოს ელაპარაკა ტელეფონით აცხადებდა რომ სატელეფონო საუბრისას იგი ოკუპირებული ტერიტორიის სიახლოვეს იმყოფებოდა.

დაღუპული 65 წლის სერგეი სმისლოვია, ბიზნესმენი, სამშენებლო კომპანიის ხელმძღვანელი. იგი რეგიონში წყალ-საკანალიზაციო სამუშაოებს მეთვალყურეობდა. საქართველოში 2013 წლიდან იმყოფება.თავის დროზე ოჯახი უბედურ შემთხვევის ვერსიას გამორიცხავდა. ოჯახის ინფორმაციით, სმისლოვს თან სავარაუდოდ დიდი ოდენობით თანხა ჰქონდა.

საქმე 276-ე მუხლით მიმდინარეობდა.