ზუგდიდის შალვა დადიანის სახელობის პროფესიულმა სახელმწიფო დრამატულმა თეატრმა პრემიერა გამართა. საპრემიერო სპექტაკლი “პაწია მეგობრები’’ ნიკო ლომოურის ამავე სახელწოდების მოთხრობის მიხედვით არის დადგმული.
სპექტაკლის რეჟისორია გეგა ქურციკაძე, რომელიც მასზე დასის გამოცდილ და ახალბედა მსახიობებთან ერთად მუშაობდა.
რეჟისორის თქმით, მომავალ თაობას უნდა მივაწოდოთ მთავარი ცხოვრებისეული ღირებულებები – მოყვასისადმი სიყვარული და მეგობრისათვის თავგანწირვა, ეს ნაწარმოები და სპექტაკლიც ამ ამოცანას პასუხობს.
სპექტაკლისთვის სპეციალურად შეიქმნა ახალი დეკორაციები და კოსტიუმები. კოსტიუმების მხატვრობაზე კი დიზაინერმა მარიკა კორკელიამ იზრუნა.
სპექტაკლი მაყურებელმა გულთბილად მიიღო
აღსანიშნავია, რომ თეატრმა, რომელიც ცნობილი მიზეზების გამო საკუთარი სცენის გარეშე არის დარჩენილი, სპექტაკლი მოსწავლე ახალგაზრდობის სასახლეში წარმოადგინა