სეპარატისტული აფხაზეთის ერთ-ერთი პოლიტიკური ლიდერი სერგეი შამბა საქართველოს საპარლამენტო არჩევნებს ეხმაურება.
კითხვაზე , როგორ აფასებს იგი ამ არჩევნებს და რა ზეგავლენას იქონიებს მისი შედეგები აფხაზეთში და აფხაზეთის გარშემო არსებულ ვითრებაზე , იგი პასუხობს, რომ მეზობელ საქართველოში მიმდინარე ყველა მნიშვნელოვანი პროცესი და მოვლენა, მათ შორის ამ დღეებში ჩატარებული არჩევნების შედეგები უდაოდ ახდენს ზეგავლენას აფხაზეთში არსებულ ვითარებაზე.
,,ამ თვალსაზრისით, ძალიან დამაფიქრებელია, რომ არჩევნებში ხმების მინიმალური რაოდენობა მიიღეს და პარლამენტში ვერ მოხვდნენ ის პარტიები, რომელნიც გამოხატავდნენ პრინციპულ პოზიციას აფხაზეთთან, როგორც თანასწორ ქვეყანასთან , დიალოგის აუცილებლობის საკითხში. სამწუხაროა, რომ დეპუტატების უმრავლესობა წინანდებურად იმყოფება უცხოეთიდან თავსმოხვეული შტამპის ტყვეობაში , რომლის თანახმად აფხაზეთი საქართველოს ოკუპირებული ნაწილია. მაგრამ ნუ გადავუსწრებთ მოვლენებს, დაველოდოთ, როგორი იქნება საქართველოს პარლამენტის საბოლოო კონფიგურაცია და მხოლოდ ამის სემდეგ გამოვიტანოთ დასკვნები.'' – განაცხადა სერგეი შამბამ.