სანდრა (ელისაბედ) რულოვსი თავის ფეისბუქგვერდზე განცხადებას აქვეყნებს:

,,მიუხედავად იმისა, რომ უარი ვთქვი მეორე ტურში მონაწილეობის მიღებაზე, მინდა ყურადღება გავამახვილო იმ გარემოებაზე, რომ როგორც გაირკვა, საჯარო მოხელეებს ეუბნებიან, რომ ხვალ, მეორე ტურში, შემოხაზონ 41 ნომერი ოთხკუთხედის ფორმით, რათა ამ გზით გააკონტროლონ მათ მიერ მიცემული ხმები. 

22 ოქტობერს, ზუგდიდის რაიონის სოფელ განმუხურში, განმეორებითი არჩევნების დროს, მრავლად დაფიქსირდა ამგვარი ფორმით შემოხაზული ბიულეტენები, რაც მეტყველებს იმაზე, რომ ამომრჩეველმა დაიჯერა…

ეტყობა რომ ამ ,,ახალი ექსპერიმენტის'' აპრობირება მოახდინეს ზუგდიდში განმეორებითი არჩევნების დროს, 22 ოქტომბერს, რამაც თავისი შედეგ გამოიღო: 

თუ 8 ოქტომბერს ვიგებდი 213 ხმით თოლორაიას 148 ხმის წინააღმდეგ, განმეორებითი არჩევნების დროს, 22 ოქტომბერს დადგა საპირისპირო შედეგი თოლორაიას სასარგებლოდ: 285 ხმით ჩემს უკვე 156 ხმის წინააღმდეგ. როგორც ჩანს, გაყალბების სხვა მეთოდებთან და გარემოებებთან ერთად, ამომრჩეველზე დაშინების ამ მექანიზმმაც იმუშავა.

მინდა დავარწმუნო ამომრჩეველი, რომ იდენტიფიკაციის ამგვარი კონტროლი ყოვლად შეუძლებელია და მან თავი უნდა იგრძნოს დაცულად და თავისუფლად და მისთვის სასურველი კანდიდატის არჩევანი გააკეთოს მშვიდ გარემოში.''