პოლიტიკურ პარტიებს საუბნო-საარჩევნო კომისიების წევრთა გაწვევა/ჩანაცვლებისთვის განკუთვნილი დრო სამუშაო დღის ბოლოსთვის ეწურებათ.
ცენტრალური საარჩევნო კომისია პროცედურასთან დაკავშირებით განმარტებას აკეთებს და აღნიშნავს, რომ კანონმდებლობის თანახმად, პოლიტიკური პარტიების მიერ გაწვეული წევრებით და კვოტით სხვა პარტიების წარმომადგენლები ვერ ისარგებლებენ, საჭიროების შემთხვევაში კი საოლქო კომისიები კონკურსის წესით შეარჩევენ პროფესიული ნიშნით ახალ წარმომადგენლებს.
„საუბნო-საარჩევნო კომისიაში 7 ადამიანზე ნაკლები არ იმუშავებს, სხვა პარტიებს არ ექნებათ შესაძლებლობა, რომ დამატებით მე-2, ან მე-3 წევრი დანიშნოს სხვა პარტიის ნაცვლად,“- განაცხადა ცესკო-ს სპიკერმა ანა მიქელაძემ.
არჩევნების პირველი ტურის შემდეგ გაკეთებული ხმაურიანი განცხადებების ფონზე ოპოზიციური გაერთიანებების ნაწილმა უკვე გაიწვია თავისი წარმომადგენლები საარჩევნო ადმინისტრაციებიდან .