განმუხურის 38-ე საარჩევნო უბანზე ,,ნაციონალური მოძრაობის’’ ზუგდიდის მუნიციპალიტეტის მაჟორიტარი დეპუტატობის კანდიდატს სანდრა რულოვს ელოდებიან.
არაოფიციალური ინფორმაციით, საქართველოს ყოფილი პირველი ლედი ადგილზე კენჭისყრის დასრულების შემდეგ მივა. მისი მოლოდინი აქვთ ჯიხაშკარშიც, რის საფუძველსაც მათ აძლევთ კანდიდატის განცხადება, რომელიც მან ორი დღით ადრე გააკეთა.
სანდრა რულოვსმა საკუთარ ამომრჩევლებს მიმართა და არჩევნებში მონაწილეობისკენ მოუწოდა. ამასთან განაცხადა, რომ არჩევნების პირველი ტურის შედეგების გამოცხადებას ზუგდიდში დაელოდება.
ადგილზე ხალხმრავლობაა და მობილიზებულია პოლიცია.