რამდენიმე წუთის წინ ზუგდიდის №2 საჯარო სკოლის შენობაში ხანძრის საშიშროება წარმოქმნა, მაგრამ ამ დროისათვის ცეცხლის კერა ლიკვიდირებულია. შემთხვევის ადგილზე დროულად მისულმა სახანძრო ბრიგადამ ერთ-ერთ საკლასო ოთახში გაჩენილ ცეცხლს გავრცელების საშუალება არ მისცა.
შემთხვევის შედეგად არავინ დაშავებულა, რადგან სკოლაში ამ დროს სასწავლო პროცესი არ მიმდინარეობდა. მატერიალური ზარალი, რომელიც სკოლას მიადგა, უმნიშვნელოა – დამწვარია საკლასო ოთახის კედლის ნაწილი.
ცეცხლის წარმოშობის მიზეზები დგინდება, პირველადი შეფასებით იგი გაუფრთხილებლობით გაჩნდა.