რამდენიმე წუთის წინ ქუთაისის სააპელაციო სასამართლომ, რომელიც იხილავდა „ერთიანი ნაციონალური მოძრაობის“ სარჩელს განმუხურის საარჩევნო უბნის შედეგების ბათილობასთან დაკავშირებით, გამოაცხადა გადაწყვეტილება გადაწყვეტილება ზუგდიდის რაიონული სასამართლოს 15 ოქტომბრის გადაწყვეტილების ძალაში დატოვების შესახებ.
ვინაიდან ეს გადაწყვეტილება გასაჩივრებას აღარ ექვემდებარება, განმუხურის 38- საარჩევნო უბანზე უნდა შედგეს განმეორებითი ხმის მიცემა, რომელიც 22 ოქტომბერს არის დანიშნული.
ასხდომას მოსარჩელე მხარე, და მოპასუხე მხარეები – ზუგდიდის საოლქო საარჩევნო კომისიის და ახალგაზრდა იურისტთა ასოცისციის წრმომადგენლები ესწრებოდნენ.
მოსარჩელე მხარე აცხადებს, რომ ჯერ ზუგდიდის რაიონულმა, ხოლო დღეს სააპაელაციო სასამართლომაც პოლიტიკური გადაწყვეტილება მიიღო, რადგან უგულვებელყო მის მიერ წარდგენილი მტკიცებულებები, არ გაიზიარა ამომრჩევლის ინტერესები და დაადასტურა ბათილობა ამ უბანზე ხმის დათვლის შედეგებისა, რომლის თანახმად ნაციონალური მოძრაობის კანდიდატი სანდრა რულოვსი 65 ხმით უსწრებდა წინ თავის კონკურენტს ქართული ოცნებიდან.