ევროსაბჭოს საპარლამენტო ასამბლეაზე უკრაინის მხარდამჭერი რეზოლუციების კენჭისყრის პროცესში ქართული ოცნების დეპუტატების არ მონაწილეობის გამო უმცირესობა უმრავლესობას აკრიტიკებს. ნაციონალური მოძრაობის წევრების აზრით, ეს ფაქტი ადასტურებს, რომ მმართველი პარტია რუსეთის სატელიტია."ჩვენი ხელისუფლება ძალიან ცუდად იქცევა საერთაშორისო ასპარეზზე, კიდევ უფრო გადაიხარა რუსეთისაკენ. რაც გააკეთა საქართველოს დელეგაციამ, ეს არის სამარცხვინო ფაქტი. ეს არის ჩვენი სტრატეგიული მოკავშირის ღალატი და ეს ძვირად დაუჯდება საქართველოს,“ – განაცხადა სერგო რატიანმა. კენჭისყრაზე არ დასწრების მიზეზები განმარტა ზვიად კვაჭნატირაძემ. მისი თქმით, დელეგაცია ამ დროს შვეიცარიელ დეპუტატებს ხვდებოდა. კვაჭანტირაძე ასევე განმარტავს, რომ კომიტეტის სხდომაზე ქართულმა დელეგაციამ უკრაინელების ყველა შესწორებას დაუჭირა მხარი და რეზოლუციაც სწორედ, შესწორებული სახით გავიდა.მოგვიანებით, ნადია სავჩენკოს თხოვნის შემდეგ, საქართველოს დელეგაცია რეზოლუციას წერილობით შეუერთდა. ამ საკითხზე განმარტებები გააკეთა ქართული ოცნების ფრაქციის თავმჯდომარემაც."წინასწარი სხდომა იყო, გასული იყო დელეგატები, როგორც საქართველოსი, ასევე ბევრი სხვა. კომიტეტის სხდომაზე ვერ მოასწრო დელეგაციამ კენჭისყრა, რაც თვითონ უკრაინის დელეგაციასთან იყო დაკავშირებული. მაგრამ პლენარულ სხდომაზე მხარიც დაუჭირა, შეუერთდა კიდეც და რეზოლუციაც იქნა მიღებული," – აღნიშნა გიორგი ვოლსკიმ.
ევროსაბჭოს საპარლამენტო ასამბლეაზე უკრაინის მხარდამჭერი რეზოლუციების კენჭისყრის პროცესში ნადია სავჩენკოს თხოვნამდე ქართველ დეპუტატებს მონაწილეობა არ მიუღიათ.
Published on