ჯიხაშკარის 108-ე უბნის დარბევის ბრალდებით დაკავებულ კაკო ტიბუას ადვოკატმა როლანდ შონიამ ზუგდიდის პროკურატურაში საჩივარი შეიტანა,ადვოკატის თქმით,გამომძიებელმა დაარღვია  საპროცესო კოდექსის 83-ე მუხლის მესამე ნაწილი,რომელიც ითვალისწინებს მტკიცებულებათა დაუყოვნებლივ გაცვლას ,რაც კაკო ტიბუას დაკავების შემთხვევაში  არ მომხდარა.ადვოკატის თქმით 2 დღეა მტკიცებულებათა გაცვლის მოთხოვნა დაყენებული აქვს  გამომძიებლის ნახვას კი ვერ ახერხებს.შინაგან საქმეთა სამინისტროს მიერ გავრცელებულ ინფორმაციაში სადაც ნათქვამია რომ კაკო ტიბუას ბრალი წარედგინა 163-ე მუხით,რაც საარჩევნო კომისიისათვის ხელის შეშლას გულისხმობს ადვოკატი უარყოფს.როლანდ შონიას მტკიცებით 2 დღის განმავლობაში კაკო ტიბუას ბრალიც არ აქვს წარდგენილი,ბრალის წარდგენა ადვოკატის გარეშე ვერ მოხდებოდა და თუ ეს მოხდა  ადვოკატის თქმით საქმე გვაქ უკანონო ქმედებასთან.ადვოკატის ინფორმაციით ,ბრალდებული 2 დღის განმავლობაში არც დაუკითხავთ.შეგახსენებთ რომ  ჯიხაშკარის 108-ე უბნის დარბევის ბრალდებით კიდევ ერთი პიროვნება გიორგი მხეიძეა დაკავებული,რომელსაც სასამართლომ წინასწარი ორთვიანი პატიმრობა შეუფარდა.