არჩევნებში ძალადობის ნებისმიერ ფორმას გმობს ბრიტანეთის ევროპის საქმეთა მინისტრი და საქართველოს, საარჩევნო კოდექსის შემდგომი გაუმჯობესების რეკომენდაციას აძლევს."მოვუწოდებ ყველა პოლიტიკურ ლიდერს, პატივი სცენ ქართველი ხალხის ნებას და აჩვენონ მათი ერთგულება დემოკრატიული პროცესებისადმი," – აცხადებს ალან დუნკანი.მინისტრის განცხადებაში ნათქვამია, რომ არჩევნები ჩატარდა კონკურენტულ გარემოში"დიდი ბრიტანეთი უერთდება ეუთოს დემოკრატიული ინსტიტუტებისა და ადამიანის უფლებათა ოფისის, ასევე სხვა საერთაშორისო სადამკვირვებლო მისიების შეფასებებს, რომ არჩევნები ჩატარდა კონკურენტულ გარემოში, იყო კარგად ორგანიზებული და საერთო ჯამში იცავდა ქართველი ხალხის ფუნდამენტურ უფლებებს," – ნათქვამია მინისტრის განცხადებაში.
.