ენმ-ში ყოფილი პრემიერის, ბიძინა ივანიშვილისა და ბიზნესმენების შეხვედრას მწვავე შეფასება მოჰყვა. პარტიის წევრები მიუღებლად მიიჩნევენ იმ დავალებას, რომელიც დღეს ბიზნესსექტორის წარმომადგენლებს ივანიშვილმა მისცა.„ჩვენ მოვისმინეთ ქვეყნის არაფორმალური მმართველისგან, ბიძინა ივანიშვილისგან, პირდაპირი მოწოდება და მოთხოვნა ქართველი ბიზნესმენების მიმართ, რომ მათ დაავალონ საკუთარ თანამშრომლებს, ხმა მისცენ ქართულ ოცნებას. ეს არის წარმოუდგენელი. მე დარწმუნებული ვარ, რომ ამას არანაირი შედეგი არ ექნება და 8 ოქტომბერს ხალხი გააკეთებს სწორ არჩევანს და წერტილს დაუსვამს ამ არაფორმალურ მმართველობას,“ – განაცხადა გიორგი ტუღუშმა.ბიძინა ივანიშვილს ბიზნესმენებთან საუბრის ტონი დაუწუნა სერგი კაპანაძემ, რომლის შეფასებითაც, "ივანიშვილი არჩევნების წაგებას ხვდება და ბოლო რესურსების მობილიზებას ცდილობს".