ფრაქცია „ერთიანი ნაციონალური მოძრაობის“ ზუგდიდის მუნიციპალიტეტის მაჟორიტარობის კანდიდატმა სანდრა -ელისაბედ რულოვსმა დღეს სოფელ კოკის საჯარო სკოლის მოსწავლეებს და პედაგოგებს სასაწავლო წლის დაწყება მიულოცა, სკოლის ეზოში პედაგოგებმა და მოსწავლეებმა მაჟორიტარობის კანდიდატს გულთბილი დახვედრა მოუწყვეს, მას საჩუქრად ყვავილების თაიგული დაწყებითი კლასის მოსწავლეებმა მიართვეს.“მე მახსოვს, რომ ეს ჩემი მეუღლის მმართველობის დროს აშენებული სკოლაა და ჩემთვის დიდი პატივია აქ ყოფნა, ეს არის აფხაზეთთან ახლოს“ – განაცხადა სანდრა რულოვსმა. 15 სექტემბერს საქართველოს მასშტაბით საჯარო სკოლებსა და ბაგა-ბაღებში სასწავლო და სააღმზრდელო პროცესი დაიწყო. საქართველოს მასშტაბით პირველი ზარი სულ 60 ათასამდე პირველკლასელისთვის დაირეკა.