საფრანგეთის ნაციონალური ფრონტის ლიდერი მარინ ლე პენი , 2017 წლის საპრეზიდენტო არჩევნებში გამარჯვების შემთხვევაში, ევროკავშირიდან ქვეყნის გასვლის საკითხზე რეფერენდუმის ჩატარებას გეგმავს.
,,შეხედეთ ბრიტანელებს –მათ თავიანთი გზა აირჩიეს და არჩევანი ქვეყნის დამოუკიდებლობის სასარგებლოდ გააკეთეს, ჩვენც შეგვიძლია თავისუფალი, ამაყი და დამოუკიდებელი ხალხი გავხდეთ'' – განაცხადა მან მისი პარტიის მხარდამჭერ დემონსტრაციაზე, რომელიც საფრანგეთის ჩრდილო –აღმოსავლეთში ჩატარდა.
საფრანგეთში საპრეზიდენტო არჩევნებამდე 8 თვე რჩება. სოციოლოგიური გამოკითხვის შედეგების თანახმად, მარინ ლე პენს არჩევნების მეორე ტურში გადასვლის შანსი აქვს. ექსპერტთა შეფასებით, მან ამას თავისი ანტიმიგრანტული პოლიტიკის წყალობით მიაღწია იმ ტერაქტების ფონზე, რომელმაც ევროპის სხვა ქვეყნებთან ერთად საფრანგეთიც მოიცვა.