მთავარისიახლეებისაზოგადოებაკონცერტი საჭირო ადამიანებისათვის - რანი არიან კულტუროსნები ზუგდიდის სამხარეო ადმინისტრაციიდან

კონცერტი საჭირო ადამიანებისათვის – რანი არიან კულტუროსნები ზუგდიდის სამხარეო ადმინისტრაციიდან

Published on

 „ლინა ისაკაძის კონცერტს რიგითი მსმენელები ვერ დაესწრებიან. მოსაწვევები გაეგზავნათ მუსიკალური განათლების მქონე ადამიანებს, მუსიკალური სკოლების ხელმძღვანელებს, მუზეუმების თანამშრომლებს, კულტურის სფეროში მომუშავე ადამიანებს. ასევე, გამგებლებს, საკრებულოების თავმჯდომარეებს, პრესსამსახურებს. იქ ისეთი ადამიანი უნდა იყოს, რომ მაღალი კულტურა ქონდეს მოსმენის, იმიტომ, რომ ძალიან სპეციფიური ღონისძიებაა. ასეთ საღამოებზე, ვცდილობთ რომ მაღალი კულტურის ადამიანები იყვნენ შეკრებილები. დახურულ საღამოზე ყველა მსურველი ვერ მოხვდება, ეს არ არის ღონისძიება ღია ცის ქვეშ კონცერტი გაიმართება ანაკლიის ციხესიმაგრის ტერიტორიაზე, სადაც მხოლოდ 250 ადამიანი ეტევა. მე ვარ კულტურის კურატორი რეგიონში და ვიცი ის საჭირო ადამიანები, რომლებიც უნდა დაესწრონ კონცერტს“, – ამბობს ლალი ჯანჯღავა.“, – განაცხადა „ლაივპრესთან “ საუბარში  გუბერნიის კულტურის საკითხების კურატორმა ლალი ჯანჯღავამ. 
ამ განცხადებას სოციალურ ქსელში მოქალაქეთა ირონიული და აღშფოთებული კომენტარები მოყვა.  
,,250 კულტურული ადამიანი,რომლებიც უნდა ნახო,სანამ ცოცხალი ხარ. ''
.,,როგორ დაგვახარისხეს… ლიანა ისაკაძის კონცერტზეა საუბარი… 
,,ჩვენ რა ვქნათ ჩვენ, დაბალი კულტურის მქონე ადამიანებმა… ''
,, მაიტათ კულტურული ადამიანების შერჩევის კრიტერიუმები!''
ალბათ, არანაკლებ საინტერესოა, რა კრიტერიუმებით ირჩევიან თანამდებობებზე  ,,კულტუროსნები'', რომელნიც მსგავს განცხადებებს აკეთებენ. პასუხი თავად ლალი ჯანჯღავას განცხადებაშია:  ,, მე ვიცი საჭირო ადამიანები'' . 

 და კიდევ, ეს ამბავი ლიანა ისაკაძემ იცის? 
 
ლიანა ისაკაძის კლასიკური მუსიკის ფესტივალი  „ღამის სერენადები “ 30 აგვისტოს, ანაკლიაში  გაიმართება. ღონისძიების სლოგანია „ყველაზე ახლოს აფხაზეთთან“.
ფესტივალი სამეგრელო-ზემო სვანეთის სამხარეო ადმინისტრაციის ინიციატივით ეწყობა…   ექსკლუზიურად საჭირო ადამიანებისათვის .  
 

 
 
 
 

სიახლეები

რუსეთის იერიშებს ზაპოროჟიესა და დნეპრზე მსხვერპლი მოჰყვა

ზაპოროჟიეში რუსული შეტევის შედეგად ერთი ადამიანი დაიღუპა, ოთხი დაიჭრა, დაჭრილთა შორის ბავშვიცაა. უხელ რუსეთის სამიზნე...

მოგიწოდებთ, სახე შეინარჩუნოთ – ანდრო ჭიჭინაძის ადვოკატი მოსამართლე ნინო გალუსტაშვილს

მოგიწოდებთ, სახე შეინარჩუნოთ,- ასე მიმართა მსახიობ ანდრო ჭიჭინაძის ადვოკატმა ნათია კორკოტაძემ მოსამართლე ნინო გალუსტაშვილს. ადვოკატმა...

“ბოკუჩავა ჩემს შეცდომას იყენებს” – ჩერგოლეიშვილი

"თინა ბოკუჩავა ჩემს შეცდომას იყენებს" - ამის შესახებ "ფედერალისტების" ლიდერი თამარ ჩერგოლეიშვილი საუბრობს. მისი...

“ვერასდროს ვირწმუნებ გამარჯვების, რომელიც დაცლილია მორალისგან” – ბოკუჩავა ჩერგოლეიშვილის პოსტზე

"ვერასდროს ვირწმუნებ გამარჯვების, რომელიც დაცლილია მორალისგან", - ასე ეხმიანება "ნაციონალური მოძრაობის" თავმჯდომარე თინა ბოკუჩავა...